Բրյուսելի ՏԻՄ ընտրությունների արդյունքներով 2 հայ կդառնա ավագանու անդամ

22.10.2024 13:44 | Կատեգորիա Քաղաքական

Բրյուսելում հոկտեմբերի 13-ին կայացած ՏԻՄ ընտրություններին առաջադրված մոտ չորս տասնյակ հայ թեկնածուներից երկուսն ընտրվել են իրենց համայնքի ավագանու անդամ՝ Աննա Հովսեփյանը՝ Ժետում, Տոնի Տարոն Օքմենը՝ Զավենթեմում։ Բրյուսելում «Արմենպրես»-ի թղթակիցը հետ զրույցում Աննա Հովսեփյանը նշել է՝ այս հաղթանակն իր համար շատ իմաստալից է՝ նշանավորում է իր առաջին քաղաքական մանդատի մեկնարկը՝ մի նպատակ, որին նա միշտ ցանկացել է հասնել։

«Այս հաղթանակը ցույց է տալիս այն վստահությունը, որ Ժետի բնակիչները ցուցաբերեցին իմ և նախագծերիս հանդեպ, ինչը մոտիվացիայի հսկայական աղբյուր է: Ես խորապես երախտապարտ եմ նրանց աջակցության համար։ Սա քաղաքապետարանում կոնկրետ փոփոխություններ կատարելու և քաղաքացիների մտահոգություններին արձագանքելու բացառիկ հնարավորություն է: Այս հաղթանակը խրախուսում է ինձ ամրապնդել իմ հավատարմությունը այն արժեքներին, որոնք ես պաշտպանում եմ և ներուժս լիովին ներդնել այս նոր դերում»,-ասել է Աննա Հովսեփյանը։

Քաղաքականություն մտնելուց առաջ Աննա Հովսեփյանը «Ռեֆորմիստական շարժում» կուսակցության համակիրն է եղել. կուսակցությունը լիովին համապատասխանում է նրա համոզմունքներին և Բրյուսելի ավելի լավ ապագայի տեսլականին։

««Ռեֆորմիստական շարժում»-ը պաշտպանում է այնպիսի արժեքներ, որոնք հոգեհարազատ են ինձ․ դրանք են՝ անհատի ազատությունը, հավասար հնարավորությունները և կայուն զարգացումը։ Ես խորապես հավատում եմ նորարարական քաղաքականության խթանման անհրաժեշտությանը, որն արձագանքում է մեր հասարակության ներկա մարտահրավերներին՝ լինեն դրանք շարժունակության, կրթության և այլ ոլորտների խնդիրները, թե անհավասարության դեմ պայքարը:

Այս կուսակցության ներսում իմ հանձնառությունն ինձ թույլ է տալիս կոնկրետ լուծումներ առաջարկել և քաղաքացիներին ներգրավել իրենց քաղաքը զարգացնելու գործում»,-հավելել է Աննա Հովսեփյանը։

Հովսեփյանի ստացած քվեների քանակը երրորդ լավագույն արդյունքն է՝ Բրյուսելի տարածաշրջանի ֆինանսների և բյուջեի նախարար Սվեն Գացի և ավագանու անդամ Ջենիֆեր Ժեսկիերի գրանցած արդյունքներից հետո։ Այս արդյունքը Աննա Հովսեփյանին թույլ է տալիս զբաղեցնել ավագանիում որևէ ոլորտի համար պատասխանատու անձի մանդատ, որը նա ստանձնելու է դեկտեմբերի 1-ին։

Ամենաշատ կարդացվածներ

Երեք օր լույս չի լինելու տասնյակ հասցեներում

25.04.2026 00:37 | Կատեգորիա Հասարակություն

Սպիտակ տունը հայտարարել է Իրանի հետ երկխոսության առաջընթացի մասին

25.04.2026 00:16 | Կատեգորիա Համաշխարհային

Հայանիստում սկանդալային բացահայտում՝ ԱՄՆ-ից ուղարկված զրահաբաճկոններ (տեսանյութ)

25.04.2026 20:11 | Կատեգորիա Հասարակություն

Արա Գոչունյանը՝ Էրդողանի ուղերձի,Ցեղասպանությունն ուրանալ-չուրանալու և սահմանի բացման մասին (տեսանյութ)

25.04.2026 17:37 | Կատեգորիա Քաղաքական

Խնջույք՝ ժանտախտի օրերին․ այսօր ՔՊ-ի տոնն էր, ոչ թե՝ քաղաքացու․Սողոմոնյան (տեսանյութ)

25.04.2026 21:00 | Կատեգորիա Քաղաքական

Գարիկ Կարապետյանը՝ ծանրամարտի Եվրոպայի եռակի չեմպիոն

25.04.2026 21:00 | Կատեգորիա Սպորտ

Սարսափելի ոճրագործությունները՝ Եղեռնը վերապրածների աչքերով․ նոր ցուցադրություն՝ ՀՑԹԻ-ում (տեսանյութ)

25.04.2026 17:13 | Կատեգորիա Հասարակություն

Նեթանյահուն հրամայել է հզոր հարվածներ հասցնել «Հըզբոլլահի» դիրքերին

25.04.2026 23:08 | Կատեգորիա Համաշխարհային

Թուրքիան կարող է մասնակցել Հորմուզի նեղուցի ականազերծմանը. Ֆիդան

25.04.2026 19:32 | Կատեգորիա Համաշխարհային

ՈՒՂԻՂ