Ճապոնիայում Casio-ի Moflin ռոբոտ-ընտանի կենդանին, որը հագեցած է արհեստական բանականությամբ և ունակ է ձևավորել բնավորությունը՝ կախված «դաստիարակությունից», ժողովրդականություն է ձեռք բերել: Այս մասին հայտնել է Mainichi-ն:
Մորթոտ արհեստական բանականությամբ ռոբոտը ունակ է ցուցադրել եզակի անհատականության գծերի ավելի քան 4 միլիոն տարբերակ, ճանաչում է այն մարդուն, ով ամենահաճախն է շփվում իր հետ, և հիշում է նրա նախասիրությունները՝ շոյելու և գրկախառնվելու հարցում:
Ինչպես բացատրեց նախագծի ղեկավար Էրինա Իչիկավան, մշակումը սկզբնապես ուղղված էր կանանց: Հայեցակարգը ենթադրում էր ստեղծել «օգնական», որը կարող էր աջակցել անձնական կամ աշխատանքային ոլորտում: Վաճառքը սկսվել է նոյեմբերին, և մարտ ամսին ընկերությունը վաճառել էր ավելի քան 7 հազար ռոբոտ՝ գերազանցելով նախատեսված ցուցանիշները: Ամենամեծ պահանջարկը նկատվել է 30-40 տարեկան կանանց շրջանում:
Moflin-ը վաճառվում է 59,400 իեն (մոտ 32.1 հազար ռուբլի) գնով: Ռոբոտի մորթու խնամքի համար նախատեսված է հատուկ «սրահ»: Իչիկավայի խոսքով՝ տերերը գնահատում են, որ յուրաքանչյուր մոֆլին ունի անհատական հույզեր, վարքագիծ և քնի ռեժիմ, ինչը լրացնում է «կենդանի» ընտանի կենդանու տպավորությունը։
Թարգմանությունը՝ Euromedia24.com-ի
