Արգելվում է ինքնագլոր վարել թունելներում, թաց ծածկույթ ունեցող ճանապարհներին. սահմանվել են կանոններ

21.10 16:15 | Կատեգորիա Հասարակություն

Սահմանվել են անհատական շարժունակության միջոցներով երթևեկության կանոնները:

ՀՀ Ազգային ժողովի կողմից ընդունված ««Ճանապարհային երթևեկության անվտանգության ապահովման մասին» օրենքում լրացումներ և փոփոխություն կատարելու մասին» և «Վարչական իրավախախտումների վերաբերյալ ՀՀ օրենսգրքում փոփոխություններ և լրացումներ կատարելու մասին» օրենքների նախագծերի փաթեթով կկանոնակարգվի անհատական շարժունակության (տեղաշարժման) միջոցներով երթևեկությունը։

Օրենսդրական փոփոխություններով սահմանվել է՝

«անհատական շարժունակության միջոց» հասկացությունը, որը գործող կարգավորումներով բացակայում էր։ Ըստ այդմ՝ անհատական շարժունակության (տեղաշարժման) միջոցը մեկ կամ մի քանի անիվ (գլանափող) ունեցող տրանսպորտային միջոց է, որը նախատեսված է էլեկտրական շարժիչի օգտագործմամբ մարդու անհատական տեղաշարժման համար (էլեկտրական սկուտեր, էլեկտրական սքեյթբորդ, գիրոսկուտեր, սեգվեյ, միանիվ և այլ նմանատիպ միջոցներ).

անհատական շարժունակության միջոց վարելու իրավունք կունենան 18 տարեկանից բարձր տարիք ունեցող, ինչպես նաև 16 տարին լրացած և AM ենթակարգի տրանսպորտային միջոց վարելու իրավունք ունեցող անձինք։ Անհատական շարժունակության (տեղաշարժման) միջոցներով երթևեկությունը կթույլատրվի հեծանվային կամ հեծանվահետիոտնային արահետներով կամ հեծանվորդների համար գոտիով, վերջիններիս բացակայության դեպքում` նաև օրենքով սահմանված այլ վայրերում: Մինչև 18 տարեկան (բացառությամբ 16 տարին լրացած և AM ենթակարգի տրանսպորտային միջոց վարելու իրավունք ունեցող) անձանց կողմից անհատական շարժունակության (տեղաշարժման) միջոցներով երթևեկության թույլատրելի վայրերը կսահմանվեն համայնքի ավագանու կողմից:

Անհատական շարժունակության միջոցները վարձակալությամբ տրամադրող կազմակերպությունների համար նախատեսվում է պարտավորություն, որպեսզի բացառեն այդ միջոցները 25 կմ/ժ-ից ավելի արագությամբ վարելը։ Նախատեսված է նաև նվազագույն աշխատավարձի 29-ապատիկի չափով տուգանք, եթե անհատական շարժունակության միջոցը օրենքով սահմանված կարգով կահավորված չէ արագությունը չափող սարքավորումով: Կարգավորումն ուժի մեջ կմտնի 2025 թ. սեպտեմբերի 1-ից։

Արգելվում է անհատական շարժունակության միջոցով տեղափոխել ուղևոր կամ բեռ (բացառությամբ՝ այդ միջոցն օգտագործողի կողմից առանց ձեռքերի օգտագործման պահվող բեռի, օրինակ՝ ուսապարկ): Ապրանքների առաքում իրականացնող, հեծանիվ կամ մոպեդ վարող անձի կողմից հեծանիվը կամ մոպեդն առանց սաղավարտի կամ չկոճկած սաղավարտով վարելու համար նախատեսվում է տուգանքի նշանակում՝ սահմանված նվազագույն աշխատավարձի յոթնապատիկի չափով:

Երթևեկելի մասում ինքնագլորների երթևեկությունը թույլատրվում է մեկ շարքով, արգելվում է վարել թունելներում, թաց ծածկույթ ունեցող ճանապարհներին և այլն։

Անհատական շարժունակության (տեղաշարժման) միջոցների երթևեկությանը ներկայացվող պահանջները խախտելու համար նախատեսվել է տուգանքի նշանակում՝ սահմանված նվազագույն աշխատավարձի հնգապատիկի չափով:

Նախաձեռնության առաջնային նպատակը ՀՀ-ում այս ոլորտում միջազգային փորձին համահունչ նոր մշակույթի ձևավորումն է։

Ամենաշատ կարդացվածներ

Երևանում ավտովթարի է ենթարկվել Հայաստանում Ռուսաստանի դեսպան Սերգեյ Կոպիրկինը

20.02 23:16 | Կատեգորիա Պատահարներ

Իտալիայում զբոսաշրջիկները տեսահոլովակ են նկարահանում հենց լավայի կողքին (տեսանյութ)

21.02 01:37 | Կատեգորիա Ժամանց

Զինծառայողի մահվան դեպք է արձանագրվել․ Mediahub

22.02 22:01 | Կատեգորիա Հասարակություն

«Էլ ուժ չունեմ»․ Արմեն Պետրոսյանը ցավալի լուր է հայտնել

21.02 00:53 | Կատեգորիա Հասարակություն

Ռուբեն Մխիթարյանը՝ Վարդան Ղուկասյանի մասին (տեսանյութ)

21.02 23:53 | Կատեգորիա Հասարակություն

«Խնդրում եմ ոչ մեկին մի մեղադրեք»․ 17-ամյա դպրոցականն ինքնասպան է եղել․ ՌԴ

22.02 19:58 | Կատեգորիա Համաշխարհային

Պարզվեց, որ բան չի փոխվել… Շուտով կհայտսրարեն, հանգիստ եղեք, ձյունը ֆեյսբուքում է. Քրիստինա Վարդանյան

21.02 00:23 | Կատեգորիա Մտքեր

«ԴՕԿ» կուսակցության նախագահ Վարդան Ղուկասյանի առողջական վիճակը կտրուկ վատացել է

21.02 14:07 | Կատեգորիա Հասարակություն

Հավատում եմ, որ մի օր ապրելու եմ Արցախում. Նազիկ Ավդալյան

22.02 20:40 | Կատեգորիա Հասարակություն

ՈՒՂԻՂ

«Սխալ ուղով էի գնում»․ Ալսուն պատմել է ամուսնության ժամանակ ունեցած իր խնդիրների մասին