Ավտոբուսից երեք ուղևոր է ընկել․ դեպքի առթիվ քրեական վարույթ է նախաձեռնվել (տեսանյութ)

21.10 15:30 | Կատեգորիա Հասարակություն

Հոկտեմբերի 20-ին ՀՀ ՆԳՆ ոստիկանության Արարատի բաժնից հաղորդում է ստացվել այն մասին, որ նույն օրը՝ ժամը 19:20-ի սահմաններում, Արարատի մարզում՝ ՈԿՖ բանավանի կամուրջի վրա, երթևեկության ժամանակ, չպարզված հանգամանքներում, բացվել է «TEMSA BG 124 H» մակնիշի ավտոբուսի հետևի դուռը, ինչի հետևանքով 3 ուղևոր ընկել է ճանապարհին և ստացել մարմնական վնասվածքներ։ Այս մասին հայտնում են ՀՀ ՔԿ–ից։

Հաղորդման առթիվ նույն օրը ՀՀ քննչական կոմիտեի Արարատի մարզային քննչական վարչության Վեդիի քննչական բաժնում, ՀՀ քրեական օրենսգրքի 342-րդ հոդվածի 1-ին մասով, նախաձեռնվել է քրեական վարույթ:

Վարորդի մասնակցությամբ դեպքի վայրում՝ Արարատի մարզի ՈԿՖ բանավանի կամուրջի սկզբնամասում, կատարվել է զննություն, զննության է ենթարկվել նաև ճանապարհի այդ հատվածում՝ դեպի Երևան տանող ուղեմասում, կայանված վերոնշյալ ավտոբուսը։

Դեպքի վայրում արգելակման ու անվադողի հետքեր չեն եղել: Ավտոբուսի զննությամբ վնասվածքներ չեն հայտնաբերվել: Պարզվել է նաև, որ ավտոբուսն ունի 36 ուղևորի համար նախատեսված նստատեղեր, իսկ հետևի դռան մոտ՝ սրահում, առկա է սեղմակ, որը սեղմելուց հետո ավտոբուսի դուռը փակվել և բացվել է:

Զննությունից հետո ավտոբուսը ճանաչվել է իրեղեն ապացույց և հանձնվել ոստիկանության պահպանմանը:

Ստուգվել է վարորդի՝ հնարավոր ալկոհոլ օգտագործած լինելու հանգամանքը, վերջինս գտնվել է սթափ վիճակում:

Պարզվել է, որ հոկտեմբերի 20-ին Երևանի դպրոցներից մեկի 6-րդ դասարանի աշակերտները և նրանց ծնողները, ընդհանուր՝ 33 հոգի, Երևան քաղաքից պատվերով, վերոնշյալ ավտոբուսով մեկնել են Վայոց ձորի մարզ՝ Նորավանք՝ էքսկուրսիայի: Երևան քաղաք վերադառնալիս՝ ժամը 19:20-ի սահմաններում, երբ հասել են ՈԿՖ բանավանի կամուրջի սկզբնամաս, ընթացքի մեջ գտնվող ավտոբուսի հետևի դուռը, այս պահին քննությամբ ստուգման ենթակա, չպարզված հանգամանքներում բացվել է, ինչի հետևանքով երեխաներից մեկն ընկել է ճանապարհի եզրին, մյուս երեխան, ապա նաև մոտ գտնվող ծնողներից մեկը իրար ետևից փորձել են օգնության հասնել, սակայն չկարողանալով՝ նույնպես ընկել են ճանապարհին։

Ստացած մարմնական վնասվածքներով նրանք նախ՝ տեղափոխվել են «Արարատի բժշկական կենտրոն» ՓԲԸ, որտեղից երկու անչափահասները տեղափոխվել են Երևան քաղաքի երկու տարբեր բուժհաստատություններ։ Ըստ բուժհաստատություններից ստացված տվյալների՝ տուժածների վիճակը բավարար է։

Նախաքննությունը շարունակվում է:

Ամենաշատ կարդացվածներ

Թրամփի վարչակազմը կվերանայի Բայդենի օրոք Ավստրալիայի և Մեծ Բրիտանիայի հետ կնքված պաշտպանական համաձայնագրերը

12.06 00:06 | Կատեգորիա ԱՄՆ

Փերիս Հիլթոնի պիցցայի հնարքը զայրացրել է երկրպագուներին

11.06 20:17 | Կատեգորիա Ժամանց

Էնքան են «հաբրգել»՝ ավտոյի բանալիները տալիս են Տեր Հայրն օրհնի․ լատենտ պատերազմի մեջ ենք․ Պողոսյան (տեսանյութ)

11.06 20:00 | Կատեգորիա Քաղաքական

Առավոտյան սուրճին ավելացրած մեկ գդալ այս խառնուրդը կօգնի ազատվել ավելորդ կիլոգրամներից

12.06 00:30 | Կատեգորիա Բժշկություն

Դիտեք Euromedia 24 TV-ի շուրջօրյա եթերը Ucom-ի 289-րդ և OVIO-ի (Rostelecom) 46-րդ ալիքներով

13.06 21:00 | Կատեգորիա Հասարակություն

Ռուսաստանը չի հեռանում Հարավային Կովկասից. ՌԴ դեսպան Ս. Կոպիրկինի հարցազրույցը՝ Euromedia24-ին (տեսանյութ)

12.06 21:29 | Կատեգորիա Քաղաքական

Տրենտ Ալեքսանդր-Առնոլդը պաշտոնապես տեղափոխվեց «Ռեալ»

12.06 22:15 | Կատեգորիա Սպորտ

Սկարլեթ Յոհանսոնը փոխել է կերպարը նոր ֆիլմի համար (լուսանկար)

11.06 21:30 | Կատեգորիա Ժամանց

Մարատ Աճեմյանը՝ Եվրոպայի չեմպիոն

11.06 20:50 | Կատեգորիա Սպորտ

ՈՒՂԻՂ

Թրամփը դեռևս նպատակադրված է Իրանի միջուկային ծրագրի հարցը լուծել բանակցությունների սեղանի շուրջ․ Պենտագոնի ղեկավար