Հունվարին Լոս Անջելեսը պատուհասած անտառային հրդեհները կազմել են 2025 թվականի առաջին կեսին ապահովագրական բոլոր վնասների կեսը՝ գերազանցելով ապահովագրողների կրած վնասները 2011 թվականին Ճապոնիայում Ֆուկուսիմայի աղետից հետո, հաղորդում է Bloomberg-ը՝ հղում անելով Munich Re-ի տվյալներին։
«Աշխարհում տեղի ունեցած բնական աղետները տարվա առաջին կեսին արդեն իսկ պատճառել են 80 միլիարդ դոլարի ապահովագրված վնասներ, որոնց կեսը 2025 թվականի առաջին շաբաթներին Լոս Անջելեսի տարածքում և շրջակայքում բռնկված հրդեհներն են կազմել», - ասվում է զեկույցում։
Գործակալությունը ընդգծում է, որ նույնիսկ ապահովագրական վնասները 2011 թվականին Ճապոնիայի Ֆուկուսիմա քաղաքում տեղի ունեցած աղետից հետո, որը հանգեցրեց Ֆուկուսիմա-1 ատոմակայանում վթարի, այդքան էլ բարձր չեն եղել։
Munich Re-ի խոսնակը գործակալությանը հայտնել է, որ ընկերությունը 2025 թվականի երկրորդ կեսին ակնկալում է ավելի մեծ ապահովագրական վնասներ, քանի որ այս ժամանակահատվածը սովորաբար ավելի հարուստ է բնական աղետներով՝ Հյուսիսային Ամերիկայում փոթորիկների սեզոնի պատճառով։
