«Կրասնոդարի» նախկին ֆուտբոլիստ Ֆյոդոր Սմոլովը պատմել է, որ Ռուսաստանի չեմպիոնի ավագ Էդուարդ Սպերցյանը խորհրդակցել է իր հետ Եվրոպա հնարավոր տեղափոխության վերաբերյալ։
«Մենք շատ ենք խոսել, նա խորհրդակցել է ինձ հետ։ Ես իսկապես ուզում եմ, որ նրա երազանքն իրականանա։ Հնարավոր է՝ այսօրվա Իտալիան նրան ավելի շատ կհամապատասխանի, քան Իսպանիան։ Իսպանիայում ֆուտբոլը շատ կոմպակտ է. քիչ ժամանակ և տարածություն կա… Իսպանիան երկրորդ տեղում է Իտալիայից հետո։
Կարծում եմ՝ «Այաքսի» նման ակումբն իդեալական տարբերակ է։ Ես նրան դա ասել եմ երկու կամ երեք տարի առաջ: Եվ հիմա համոզված եմ, որ դա իդեալական տարբերակ է նրա լավագույն որակները ցուցադրելու համար։ Այդտեղից կարելի է տեղափոխվել մի թիմ, որը կհասկանա, թե ինչպես է պետք օգտագործել ֆուտբոլիստին… Էրեդիվիզին հարձակողական առաջնություն է հարձակողական ֆուտբոլիստի համար»,- ասել է Սմոլովը:
Հայաստանի հավաքականի կիսապաշտպան Էդուարդ Սպերցյանը «Կրասնոդարի» սան է։ Նրա պայմանագիրն ակումբի հետ լրանում է հաջորդ ամռանը։
