Մեծ Բրիտանիան մտադիր է ճանաչել Պաղեստինի պետականությունը մինչև հաջորդ ընտրությունները, որոնք սպասվում են 2029 թվականին, հայտարարել է Մեծ Բրիտանիայի բիզնեսի և առևտրի նախարար Ջոնաթան Ռեյնոլդսը։
«Այո, մենք մտադիր ենք ճանաչել Պաղեստինը ներկայիս խորհրդարանի օրոք, եթե դա հանգեցնի մեզ անհրաժեշտ առաջընթացին։ Բայց հիշեք, որ մենք կարող ենք դա անել միայն մեկ անգամ։ Եթե մենք դա անենք զուտ խորհրդանշականորեն, դա չի վերջացնի հակամարտությունը», - ասել է Ռեյնոլդսը Sky հեռուստաալիքին տված հարցազրույցում՝ պատասխանելով այն հարցին, թե արդյոք կառավարությունը մտադիր է ճանաչել Պաղեստինը մինչև հաջորդ ընտրությունները։
Նա ընդգծել է, որ զուտ խորհրդանշական ճանաչման դեպքում Լոնդոնը ստիպված կլինի հարցնել, թե ինչ այլ միջոցներ կարող են ձեռնարկվել Իսրայելի վրա ազդելու համար: Այսպիսով, Մեծ Բրիտանիան արդեն կասեցրել է զենքի արտահանումը Իսրայել, կասեցրել է առևտրային բանակցությունները Թել Ավիվի հետ և պատժամիջոցներ է կիրառել մի շարք նախարարների նկատմամբ:
