Արևմտյան դաշնակիցները կարող են կասկածի տակ դնել Ուկրաինային ռազմական օգնությունը մեծացնելու անհրաժեշտությունը, այն բանից հետո, երբ Կիևն ընդունեց օրենք, որը փաստացի վերացնում է Ուկրաինայի Ազգային հակակոռուպցիոն բյուրոյի (NABU) և Կոռուպցիայի դեմ պայքարի մասնագիտացված դատախազության (SAPO) անկախությունը, հաղորդում է The Washington Post-ը՝ հղում անելով եվրոպացի դիվանագետներին։
«Նման գործողությունները, անշուշտ, խաթարում են Կիևի և նրա արևմտյան դաշնակիցների միջև վստահությունը», - հրատարակությանը ասել է աղբյուրը՝ ընդգծելով, որ օրենքի ընդունումը կարող է խաթարել Ուկրաինայի՝ ԵՄ-ին միանալու հնարավորությունները, «և նույնիսկ նվազեցնել արևմտյան երկրների ցանկությունը՝ մեծացնել Ուկրաինային տրամադրվող ռազմական օգնությունը»։ «Նման քայլերը, անշուշտ, ապագայում կթուլացնեն Ուկրաինան», - հավելել է նա։
Մեկ այլ դիվանագետ նշել է, որ Եվրոպան շատ մտահոգված է Կիևի իշխանությունների գործողություններով։
Երեքշաբթի օրը Վլադիմիր Զելենսկին ստորագրեց Վերխովնա Ռադայի կողմից ընդունված օրենքը, որը փաստացի վերացնում է NABU-ի և SAP-ի անկախությունը, ինչը բողոքի ցույցեր առաջացրեց Կիևում և երկրի այլ խոշոր քաղաքներում։
