Թուրքական «Ֆեներբահչեի» պորտուգալացի գլխավոր մարզիչ Ժոզե Մոուրինյոն ցանկանում է աշխատել հայրենիքում։
«Ես անպայման կվերադառնամ Պորտուգալիա։ Դա անպայման տեղի կունենա ոչ այն պատճառով, որ ես զգում եմ կարիերայիս ավարտը։ Ես կարծում եմ՝ դեռ շատ տարիներ կլինեմ աշխատանքի մեջ։ Ցանկանում եմ հայրենիք վերադառնալ ֆիզիկապես եւ հոգեբանորեն ամուր»,- Մոուրինյոյի խոսքը մեջբերում է ESPN-ը։
62-ամյա մասնագետի պայմանագիրը «Ֆեներբահչեի» հետ կավարտվի հաջորդ տարվա ամռանը։
Պորտուգալական մամուլը գրել էր, որ Մոուրինյոն նախնական համաձայնություն ունի Պորտուգալիայի ֆուտբոլի ֆեդերացիայի հետ ապագայում ազգային թիմը գլխավորելու վերաբերյալ։
