Կատարի և Եգիպտոսի միջնորդները շարունակում են խորհրդակցությունները Իսրայելի և պաղեստինյան ՀԱՄԱՍ շարժման ներկայացուցիչների հետ՝ շրջանակային համաձայնագիր կնքելու համար, որը թույլ կտա անցնել Գազայի հատվածում հրադադարի հաստատմանն ուղղված բանակցությունների հաջորդ փուլին։
Այս մասին ճեպազրույցի ժամանակ հայտարարել է Կատարի վարչապետի խորհրդական և արտաքին գործերի նախարարության պաշտոնական ներկայացուցիչ Մաջիդ բին Մոհամմեդ ալ-Անսարին։
«Ինչ վերաբերում է հրադադարի բանակցություններին, դրանք դեռևս առաջին փուլում են և ուղղված են հիմնականում սկզբունքների շուրջ համաձայնության հասնելուն», - ասել է նա։
ՏԱՍՍ-ի հարցին ի պատասխան՝ Կատարի արտաքին գործերի նախարարության ներկայացուցիչը պարզաբանել է, որ միջնորդները աշխատում են հակամարտության կողմերի միջև շրջանակային համաձայնագրի հասնելու ուղղությամբ։
