Ֆրանսիայի Արտաքին անվտանգության գլխավոր վարչությունը (DGSE) կարծում է, որ Իրանի միջուկային ծրագրի տարրերը լուրջ վնաս են կրել ԱՄՆ հարվածից, LCI հեռուստաալիքի եթերում հայտարարել է գերատեսչության ղեկավար Նիկոլա Լերները։
«Մեր այսօրվա գնահատականն այն է, որ տարրերից յուրաքանչյուրը լուրջ վնաս է կրել, և Իրանի միջուկային ծրագիրը, ինչպես մենք այն գիտենք, զգալիորեն հետ է կանգնել, հավանաբար՝ մի քանի ամիս», -ասել է նա։
Լերները շեշտել է, որ այսօր «աշխարհում ոչ մի հետախուզական ծառայություն չի կարողանա ճշգրիտ գնահատել այն վնասը, որը ամերիկյան հարվածները հասցրել են Իրանի միջուկային օբյեկտներին»։
Իսրայելը հունիսի 13-ի գիշերը ռազմական գործողություն սկսեց Իրանի դեմ։ Մեկ օր անց Իսլամական Հանրապետությունը հակագրոհ սկսեց։ Միացյալ Նահանգները հակամարտության մեջ մտավ դրա սրումից ինը օր անց՝ հարվածելով Ֆորդոյում, Նաթանզում և Սպահանում գտնվող իրանական միջուկային օբյեկտներին։
