«Ալ Ահլին» ցանկանում է պայմանագիր ստորագրել «Ինտեր Մայամիի» հարձակվող Լիոնել Մեսսիի հետ, գրում է L’Équipe-ը։
Սաուդյան Արաբիան ներկայացնող ակումբի ղեկավարները փորձում են համոզել Մեսսիին պայմանագրի ավարտից հետո հեռանալ «Ինտեր Մայամիից» ու տեղափոխվել «Ալ Ահլի»։
Գործարքի ֆինանսական մանրամասները չեն հաղորդվում, բայց Սաուդյան Արաբիայում կարծում են, որ Մեսսիի տեղափոխությունն էլ ավելի կսևեռի ուշադրությունը երկրին։ Հիշեցնենք, որ աշխարհի 2034թ. առաջնությունն անցկացվելու է Սաուդյան Արաբիայում։
«Ալ Ահլին» դեռ 2023թ. ամռանն է փորձել ձեռք բերել արգենտինացի ֆուտբոլիստին, երբ նա հեռանում էր ՊՍԺ-ից։
«Ինտեր Մայամին» էլ այժմ քայլեր է ձեռնարկում` Մեսսիի հետ նոր պայմանագիր ստորագրելու համար։ Ներկայիս համաձայնագիրը գործում է մինչև 2025թ. դեկտեմբերի 31-ը ներառյալ։
38-ամյա հարձակվողն ամերիկյան ակումբ է տեղափոխվել 2023թ. ամռանը, 64 խաղում 52 գոլ է խփել, կատարել 25 գոլային փոխանցում։
