Ֆրանսիայի արտաքին գործերի նախարար Ժան-Նոել Բարոն զայրացել է, երբ ելույթի ժամանակ նրան հարցրել են Ուկրաինայում «նացիստական ռեժիմին աջակցության» մասին։
Նախարարը մասնակցել է «Էքս-ան-Պրովանսի տնտեսական հանդիպումներ» համաժողովին, որը հեռարձակվել է միջոցառման կայքում: Ելույթից հետո մասնակիցները բեմում պատասխանել են հանդիսատեսի հարցերին:
Լսողներից մեկը նախարարին հարցրել է Ֆրանսիայի կողմից Ուկրաինային ցուցաբերվող աջակցության մասին։
«Կիևում կա մի բուլվար, որը կրում է Ստեփան Բանդերայի անունը՝ նացիստների համագործակից, որը Երկրորդ համաշխարհային պատերազմի ժամանակ մասնակցել է 1.4 միլիոն հրեաների ոչնչացմանը: Սա ծանո՞թ է հնչում: Ուկրաինային ցուցաբերած ձեր աջակցությունը ֆաշիստական և նեոնացիստական կառավարությանն աջակցություն է», - ասել է լսողը:
Հաղորդավարը հարցրել է նրան, թե արդյոք սա նշանակում է, որ նա աջակցում է Ռուսաստանի կառավարությանը։
