Մերձավոր Արևելքի բազմաթիվ երկրներ կմիանան Աբրահամի համաձայնագրերին, որոնք նախատեսում են Իսրայելի հետ հարաբերությունների կարգավորում, հայտարարել է ԱՄՆ նախագահ Դոնալդ Թրամփը։
«Կարծում եմ՝ շատերը կմիանան Աբրահամի համաձայնագրերին», - ասել է նա լրագրողներին Այովա կատարած ուղևորությունից հետո Վաշինգտոն ժամանելուն պես, հաղորդում է Reuters-ը։
Թրամփը նաև ասել է, որ հարցը քննարկվել է Սաուդյան Արաբիայի պաշտպանության նախարար, արքայազն Խալեդ բին Սալման ալ Սաուդի հետ հուլիսի 3-ին Սպիտակ տանը կայացած հանդիպման ժամանակ։
