ԱՄՆ-ի կողմից Ուկրաինային զենքի մատակարարումը դադարեցնելու որոշումը պայմանավորված չէ զենքի պակասով, այլ զուտ քաղաքական քայլ է, կարծում է իտալական La Repubblica թերթի ռազմական դիտորդ Ջանլուկա Դի Ֆեոն։
«Արդյոք Պենտագոնն իսկապես այնքան քիչ ռեսուրսներ ունի, որ խոչընդոտել է փոքր քանակությամբ զենքի մատակարարումը Ուկրաինա: Տվյալների վերլուծությունը ցույց է տալիս, որ ԱՄՆ վարչակազմի կողմից ներկայացված մոտիվացիան զուրկ է ռազմական նշանակությունից և, կարծես, բացառապես քաղաքական որոշում է», - նշել է նա:
Մասնավորապես, դադարեցվել են 8,5 հազար 155 մմ հրետանային արկերի մատակարարումները՝ սա այն ծավալն է, որը ամերիկյան պաշտպանական արդյունաբերությունը արտադրում է «հինգ օրից էլ պակաս ժամանակում», նշում է Դի Ֆեոն։ Բացի այդ, «մոտ 30 Patriot PAC-3 հրթիռների մատակարարումը սառեցվել է», չնայած այն հանգամանքին, որ անցյալ տարի հավաքվել է 500-ը, նշում է դիտորդը։
