Իրանի և Իսրայելի միջև զինված հակամարտությունը հանգեցրել է Արաբական Միացյալ Էմիրություններում (ԱՄԷ) գործարար ակտիվության մասնակի սառեցման, հաղորդում է Bloomberg-ը՝ հղում անելով փորձագիտական գնահատականներին։
«ԱՄԷ-ի ոչ նավթային տնտեսությունը հունիսին փոքր-ինչ դանդաղեց՝ Իրանի և Իսրայելի միջև հակամարտության պատճառով», - գործակալությունը մեջբերում է S&P Global-ի գլխավոր տնտեսագետ Դեյվիդ Օուենի խոսքերը։ Նա հավելել է, որ տարածաշրջանում լարվածության սրումը նաև հանգեցրել է ԱՄԷ-ում սպառողական պահանջարկի անկմանը։
Իսրայելը հունիսի 13-24-ը ամեն օր հարվածներ էր հասցնում Իրանին։ Գործողության հայտարարված նպատակն էր ոչնչացնել Իսլամական Հանրապետության հրթիռային և միջուկային ծրագրերը։
Թեհրանը պատասխանել է՝ հրթիռներ և անօդաչու սարքեր արձակելով Իսրայելի տարածք։ ԱՄՆ-ն հակամարտության մեջ մտավ հունիսի 22-ի գիշերը՝ հարձակվելով Իրանի երեք միջուկային օբյեկտների վրա։
