ԱՄՆ-ի Չիկագո քաղաքի գիշերային ակումբի մոտ տեղի ունեցած կրակոցների հետևանքով զոհվել է առնվազն երեք մարդ, ևս 16-ը վիրավորվել են, հայտնում է CBS-ը՝ հղում անելով տեղական իշխանություններին։
«Չորեքշաբթի ուշ երեկոյան Չիկագոյի կենտրոնում գտնվող գիշերային ակումբի մոտ տեղի ունեցած զանգվածային կրակոցների հետևանքով զոհվել է առնվազն երեք մարդ, ևս 16-ը՝ վիրավորվել», - ասվում է հայտարարության մեջ։
Հեռուստաալիքի տվյալներով՝ անհայտ անձինք մեքենայով անցնելիս կրակ են բացել գիշերային ակումբից դուրս եկող մարդկանց վրա։
Իրավապահ մարմինները հետաքննում են միջադեպը։
