Ֆրանսիական «Լիոն» ֆուտբոլային ակումբը, որ հայտնվել է երկրորդ դիվիզիոնում, ՈՒԵՖԱ-ից ստացել է վերջնագիր։ Համաձայն L'Equipe-ի, ակումբը պետք է վճարի 50 միլիոն եվրոյի տուգանք, որից 12,5 միլիոնը պարտադիր է վճարել ՈՒԵՖԱ-ին, իսկ մնացած մասի վճարումը կախված կլինի որոշ ֆինանսական պարտավորությունների կատարման ընթացքից։ Ֆրանսիական ակումբը ընդունել է վերջնագրի պայմանները եւ կնքել համաձայնագիր։ Սակայն այն իրականացնելու համար անհրաժեշտ կլինի, որպեսզի «Լիոնը» կարողանա զգալի ներդրումներ ներգրավել, սահմանափակել աշխատավարձային ֆոնդը եւ ունենալ դրական տրանսֆերային բալանս։
Միաժամանակ՝ պետք է կարողանա պահպանել «Լիգա 1»-ում իր դիրքերը, որպեսզի մասնակցի Եվրոպայի Լիգայի խաղերին։ Նշենք, որ «Լիոնը» երկրորդ դիվիզիոնում հայտնվել էր որպես տուգանք՝ ֆինանսական թափանցիկության կանոնները խախտելու համար եւ դիմել է Վերահսկողության եւ կառավարչության Ազգային տնօրինությանը՝ գանգատարկելով այդ որոշումը։
