«Վերադարձել ենք 1937 թվական»․ Բագրատ Սրբազանը նամակ է հղել

29.06 12:41 | Կատեգորիա Քաղաքական

«Սրբազան պայքար» շարժման առաջնորդ Բագրատ արքեպիսկոպոս Գալստանյանը նամակ է հղել ԱԱԾ շենքում գտնվող «Երևան-Կենտրոն» ՔԿՀ-ից։

Նամակում, որը հրապարակել է շարժման տելեգրամյան ալիքը, ասված է․

«Անձնական մտորումներ

Բանտախցում, որտեղ գտնվելու համար մեկ վայրկյան անգամ չեմ զղջում, զանազան զգացումներ են առաջացել։

Երեկ մտորումներիս մեջ ակամայից անդրադարձա, որ մոտավորապես 90 տարի, իսկ ավելի ճիշտ՝ 88 տարի առաջ, 1937 թ.-ին այս նույն շենքում կալանավորվել և ապա նույն շենքի նկուղներում գնդակահարվել է Բագրատ արք. Վարդազարյանը, ում անվան կրողը լինելու պատիվը ինձ ընծայեց իմ հոգևոր ծնողը՝ Գարեգին Ա Ամենայն Հայոց հոգելույս հայրապետը։

Ինձ ձեռնադրեց և օծեց Բագրատ անունով ի հիշատակ Բագրատ արքեպիկսոպոս Վարդազարյանի և պատվիրեց հավատարիմ լինել նրա անցած ճանապարհին և շարունակել նրա ավանդը։ Շուրջ 30 տարի ես փորձում եմ պատվով և երախտիքով կրել նահատակ Սրբազանի անունը, ով իր ողջ կյանքն անցկացրել է պայքարի բովում ի պաշտպանություն և հանուն հայոց ինքնության, արժեքների, Մայր Եկեղեցու և Հայրենիքի։ Պայքարել է Ցարական Ռուսաստանի ոտնձգությունների դեմ, Բաքվում՝ ադրբեջանական հրոսակների դեմ, ողջունել Անկախ Հայաստանի հռչակումը և ապա հայտնվել Խորհրդային հալածանքների ներքո։ Այնուհետև իր կյանքը կնքել նահատակությամբ՝ հանուն հայի և Հայաստանի, հանուն Սուրբ Եկեղեցու և ինքնության, հանուն սեփական պատմության և կենսագրության, հանուն գալիքի և Հայոց հաղթանակի։

Հիմա ես այս նույն վայրում եմ՝ միգուցե նույն խցում։ Թե ինչ կլինի շարունակությունը, կտեսնենք հետագայում։ Սակայն մեկ բան հստակ է՝ վերադարձել ենք 1937 թ., երբ հակահայկական իշխանությունը, ենթարկվելով թշնամու պարտադրանքին, ինքն իրեն կարգել է որպես թշնամի այն ամենին, ինչը կարող է վերականգնել մեր Տունն ու Պատիվը։

Այն ժամանակ էլ Բագրատ արք. Վարդազարյանին զրպարտեցին որպես ահաբեկիչ, ժողովրդի թշնամի և պետական դավաճան կամ հանցագործ։

Սա նույնաբնույթ նկարագիր ունեցող իշխանության էությունն է, որի վախճանը անխուսափելի է, ինչպես խորհրդային բռնապետներինը։

Հաղթանակը այլընտրանք չունի…»։

Ամենաշատ կարդացվածներ

Տաքսու վարորդը 25 տարեկան է եղել, գերազանցել է արագությունը․ ի՞նչ է պատմում ողբերգական վթարից մահացած բժիշկների գործընկերը

01.11 18:03 | Կատեգորիա Մտքեր

Ուկրաինացիները պայթեցրել են Մոսկվայի մոտակայքում գտնվող խոշոր նավթատարը

01.11 18:45 | Կատեգորիա Համաշխարհային

Արցախցի տատիկին գտել են. Հայտնի է, թե որտեղ է եղել

01.11 21:17 | Կատեգորիա Հասարակություն

ՔՊ-ն ասֆալտի գումարը մսխել ու Էջմիածինը ցեխի մեջ է թաթախել. Սոնա Աղեկյան (տեսանյութ)

01.11 18:07 | Կատեգորիա Հասարակություն

Արամուս գյուղում բախվել են «Toyota»-ն ու բեռնատար «Գազել»-ը. կա տուժած

01.11 16:27 | Կատեգորիա Պատահարներ

ԱՄՆ-ի նավերը մոտեցել են Վենեսուելային․ Ում միջոցով Եվրամիությունը կհարվածի Ռուսաստանին (տեսանյութ)

01.11 16:19 | Կատեգորիա Համաշխարհային

Թուրքիան Պուտինի և Զելենսկիի հնարավոր հանդիպումն ընդունելու պատրաստակամություն է հայտնել

01.11 17:06 | Կատեգորիա Համաշխարհային

Վարդան Ղուկասյանը րոպե առաջ պետք է ազատ արձակվի․ նա ապօրինի է գտնվում անազատության մեջ․ հայտարարություն

01.11 23:16 | Կատեգորիա Քաղաքական

Ողբերգական դեպք Արարատի մարզում

01.11 23:04 | Կատեգորիա Պատահարներ

ՈՒՂԻՂ