Իրանի իրավապահ մարմինները հունիսի 13-ից Իսրայելի հետ զինված հակամարտության սկսվելուց ի վեր ձերբակալել են առնվազն 700 մարդու՝ Իսրայելի հետախուզական ծառայությունների համար աշխատելու կասկածանքով, հաղորդում է Fars լրատվական գործակալությունը։
Ձերբակալությունների ամենամեծ թիվը գրանցվել է Քերմանշահ, Սպահան, Խուզեստան, Ֆարս և Լորեստան նահանգներում։
Ըստ Fars-ի՝ ձերբակալվածները մեղադրվում են Իրանի տարածքից Իսրայելի շահերից ելնելով փոքր անօդաչու թռչող սարքեր արձակելու, ինքնաշեն ռումբեր պատրաստելու և ռազմական օբյեկտները նկարահանելու մեջ՝ Իսրայելի հետախուզական ծառայություններին հետագա տեղեկատվություն փոխանցելու նպատակով: Ինչպես նշում է գործակալությունը, հունիսի 13-ից ի վեր միայն Թեհրանում առգրավվել է ավելի քան 10,000 փոքր անօդաչու թռչող սարք:
