Միացյալ Նահանգները Մերձավոր Արևելքի պաշտոնյաներին խնդրել է Իրանին փոխանցել, որ Իսրայելը ձգտում է հակամարտության արագ ավարտին, հաղորդում է The Wall Street Journal-ը (WSJ)՝ հղում անելով իր աղբյուրներին։
Թերթի տվյալներով՝ Իսրայելը շարունակում է հարվածներ հասցնել Իրանում գտնվող թիրախներին, բայց ձգտում է դադարեցնել պատերազմը։
Թերթը գրում է, որ Թեհրանը կանգնած է «վտանգավոր ընտրության» առաջ. կամ հակահարված տալ ԱՄՆ-ին՝ վտանգելով պատերազմի ընդլայնումը, կամ վերադառնալ միջուկային բանակցություններին՝ հնարավոր զիջումներով։
