Ճապոնիայի վարչապետ Շիգերու Իշիբան մտադիր է հրաժարվել Հաագայում կայանալիք ՆԱՏՕ-ի գագաթնաժողովից՝ Մերձավոր Արևելքում իրավիճակի վատթարացման, այդ թվում՝ Իրանին ԱՄՆ-ի հարվածի և ԱՄՆ նախագահ Դոնալդ Թրամփի հնարավոր բացակայության պատճառով, հաղորդում է NHK-ն՝ հղում անելով աղբյուրներին։
Ավելի վաղ Հարավային Կորեայի նախագահ Լի Չժե Մյունգը նույնպես հրաժարվել էր մասնակցել գագաթնաժողովին։ Նրա վարչակազմը դա բացատրել էր «երդմնակալությունից հետո բազմաթիվ պետական գործերով» և «Մերձավոր Արևելքում իրավիճակի փոփոխությամբ»։
Վերջին տարիներին Ճապոնիայի վարչապետը մշտապես մասնակցել է Հյուսիսատլանտյան դաշինքի ղեկավարների հանդիպումներին: Ակնկալվում է, որ նրա տեղը Հաագայում կզբաղեցնի արտաքին գործերի նախարար Տակեշի Իվայան:
Ճապոնիայի կաբինետի գլխավոր քարտուղար Յոշիմասա Հայաշին ավելի վաղ խուսափել էր լրագրողների այն հարցին պատասխանելուց, թե արդյոք Տոկիոն աջակցում է ԱՄՆ-ի կողմից Իրանին հարվածելուն։
