Ֆրանսիայի նախագահ Էմանուել Մակրոնը, իր եվրոպացի գործընկերների հետ, մտադիր է արագացնել Իրանի հետ բանակցությունները։ Ֆրանսիացի առաջնորդը այս մասին գրել է X-ում՝ Իրանի նախագահ Մասուդ Փեզեշքիանի հետ հեռախոսազրույցից հետո։
«Ես համոզված եմ, որ կա պատերազմից դուրս գալու և ավելի մեծ սպառնալիքից հեռու մնալու ճանապարհ։ Դրան հասնելու համար մենք կարագացնենք Ֆրանսիայի և նրա եվրոպացի գործընկերների կողմից Իրանի հետ սկսված բանակցությունները», -ասել է Մակրոնը։
Նա հավելել է, որ «Իրանը չպետք է միջուկային զենք ունենա»։ Նախագահի խոսքով՝ Թեհրանը պարտավոր է երաշխիքներ տրամադրել իր մտադրությունների խաղաղ բնույթի վերաբերյալ։
