Միացյալ Նահանգները խնդրել է Իրանի հետ բանակցություններ վարել, սակայն Թեհրանը մերժել է դրանք՝ հայտարարելով, որ դա անհնար է Իսրայելի հարվածների պատճառով, հայտարարել է Իրանի արտգործնախարար Աբբաս Արաղչին։
«Ներկայիս պայմաններում, քանի դեռ շարունակվում են սիոնիստական ռեժիմի հարձակումները Իրանի վրա , մենք չենք ցանկանում որևէ մեկի հետ բանակցել… Ամերիկացիները ցանկանում են, նրանք մի քանի անգամ ուղերձներ են հղել, լուրջ ուղերձներ, բայց մենք նրանց հստակ ասել ենք, որ մինչև ագրեսիան չդադարեցվի, երկխոսության և դիվանագիտության մասին խոսք լինել չի կարող», - ասել է նա Իրանի պետական հեռուստատեսությանը։
