Իրանա-իսրայելական հակամարտության մեջ այժմ գլխավորը բռնության պարույրի ծավալումը կանխելն է։ Մոսկվան քաղաքական և դիվանագիտական ջանքեր է գործադրում հակամարտության կարգավորումը հեշտացնելու համար, հայտարարել է Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան։
«Այսօր գլխավորը բռնության հետագա պարույրի կանխումն է, հրադադարի հասնելը, խաղաղության վերականգնումը, ինչն էլ իր հերթին կստեղծի նախադրյալներ իրավիճակը բանակցային հուն վերադարձնելու համար։ Մենք պատրաստ ենք ամեն կերպ նպաստել դրան և քաղաքական ու դիվանագիտական ջանքեր ենք գործադրում այս ուղղությամբ», - ասել է Զախարովան SPIEF-ի շրջանակներում կայացած ճեպազրույցի ժամանակ։
