Մենք շնորհակալ ենք յուրաքանչյուրին, ով հիմա մեզ հետ է, մեր ընտանիքի կողքին։ Աջակցության խոսքերի, հավատքի, մեր ազգի ընդհանուր սկզբունքների համար։ Սա իսկապես կարևոր է։ Այս մասին Ինստագրամի իր էջում գրել է գործարար, բարերար Սամվել Կարապետյանի դուստրը։
«Բայց այսօր միայն խոսքեր չեն պետք։
Մեր ընտանիքը միշտ եղել է իր ժողովրդի կողքին։ Երկրի համար ամենադժվար պահերին մենք պաշտպանել և սատարել ենք արդարությունը։
Մենք սպասում ենք հորս բոլոր կողմնակիցներին Մազմանյան փողոցի 5 հասցեում գտնվող Քննչական կոմիտեի շենքի մոտ։
Թող բոլորը տեսնեն՝ նա միայնակ չէ։ Մենք մենակ չենք։
Հիմա ոչ միայն մեր ճակատագիրն է որոշվում»,– գրել է Տաթևիկ Կարապետյանը՝ նշելով, որ այժմ այն ամենը, ինչին մենք սրբորեն հավատացել ենք դարեր շարունակ, ամրության փորձություն է անցնում։
