Իրանի նախագահ Մասուդ Պեզեշկիանը Ֆրանսիայի նախագահ Էմանուել Մակրոնի հետ հեռախոսազրույցում հայտարարել է, որ Թեհրանը չի ձգտում միջուկային զենք ձեռք բերել: Իրանի առաջնորդի խոսքերը մեջբերել է նրա մամուլի ծառայությունը։
Պեզեշկիանը շեշտել է, որ Իրանը երբեք չի մտադրվել կամ չի ձգտել ունենալ միջուկային զենք և միշտ պատրաստ է եղել երկխոսության միջոցով փոխըմբռնման և համաձայնության հասնելու: Նրա խոսքով՝ Իսլամական Հանրապետության փաստարկներն ընդունելու փոխարեն, համաշխարհային տերությունները ընդունել են Իսրայելի դիրքորոշումը , որը «ձգտում է քաոս սերմանել Մերձավոր Արևելքում»:
Նախագահը հավելել է, որ Իրանը չի նստի բանակցությունների սեղանի շուրջ, քանի դեռ երկիրը հարձակման է ենթարկվում Իսրայելի կողմից, և որոշումներ չի կայացնի որևէ ճնշման տակ։
