Ռուսաստանը ակնկալում է, որ Ուկրաինան կկատարի Ստամբուլում ձեռք բերված պայմանավորվածությունները։ Այս մասին ճեպազրույցի ժամանակ հայտարարել է Ռուսաստանի նախագահի մամուլի քարտուղար Դմիտրի Պեսկովը։
«Մենք շարունակում ենք շփումներ ունենալ Ուկրաինայի հետ, նման համաձայնություն ձեռք է բերվել Ստամբուլում։ Ռուսաստանը պատրաստ է կատարել իր պարտավորությունները։ Մենք ակնկալում ենք, որ ուկրաինական կողմը կհետևի այս սկզբունքին և կկատարի Ստամբուլում ձեռք բերված պայմանավորվածությունները», - ասել է Կրեմլի ներկայացուցիչը՝ մեկնաբանելով զինծառայողների մարմինների փոխանակման հետ կապված իրավիճակը։
