Ռուսաստանի և Միացյալ Նահանգների ներկայացուցիչները բանակցություններ են սկսել ամերիկյան տարածքում գտնվող վեց փաստացի բռնագրավված ռուսական դիվանագիտական սեփականությանը մուտք գործելու հնարավորություն տրամադրելու վերաբերյալ։ Այս մասին ՏԱՍՍ-ին տված հարցազրույցում հայտնել է Վաշինգտոնում Ռուսաստանի դեսպան Ալեքսանդր Դարչիևը։
Նրա խոսքով՝ արդեն սկսվել է վեց դիվանագիտական սեփականության վերադարձման վերաբերյալ բանակցային գործընթացը։ Դրանք, ըստ էության, բռնագրավվել են ԱՄՆ իշխանությունների կողմից 2016-2018 թվականներին, մանրամասնել է Դարչիևը։
Դեսպանը հավելեց, որ ամերիկյան կողմին տրվել է «ճանապարհային քարտեզ», որը նշում է իրատեսական ժամկետներ և պահանջ՝ Ռուսաստանի դիվանագիտական առաքելության ներկայացուցիչներին տրամադրել այդ օբյեկտներ մուտք գործելու հնարավորություն՝ ստուգում անցկացնելու և պատճառված վնասը գնահատելու համար։
