Ռուսաստանի հետ բանակցություններում ուկրաինական պատվիրակությունը լիազորված չէ քննարկել տարածքային հարցեր, հայտարարել է Վոլոդիմիր Զելենսկին: Նրա խոսքով՝ այս թեմայի քննարկումը «իր գործն է»:
«Մեր պատվիրակությունն ունի մանդատ՝ քննարկելու մարդասիրական հարցեր՝ ռազմագերիների և երեխաների վերադարձի հարցը կամ հրադադարը։ Սակայն նրանք չունեն մանդատ՝ քննարկելու Ուկրաինայի ինքնիշխանությունն ու տարածքային ամբողջականությունը», - ասել է նա հունգարական Valasz Online հրատարակությանը տված հարցազրույցում։
«Իմ գործն է տարածքների շուրջ բանակցել», - ասել է Զելենսկին՝ պնդելով, որ պատրաստ է այդ հարցը քննարկել միայն Ռուսաստանի նախագահ Վլադիմիր Պուտինի հետ։
