ԱՄՆ իրավապահ մարմինները մոտ 170 մարդու են ձերբակալել ԱՄՆ նախագահ Դոնալդ Թրամփի ներգաղթային քաղաքականության դեմ բողոքի ցույցերի ժամանակ: Axios պորտալի տվյալներով ՝ ցուցարարներից առնվազն 20-ը ձերբակալվել է Նյու Յորքում՝ Թրամփին պատկանող Trump Tower երկնաքերի մոտ:
Իր հերթին, CNN-ը հաղորդում է, որ Սան Ֆրանցիսկոյում ոստիկանությունը ձերբակալել է առնվազն 150 մարդու։
Բողոքի ցույցեր են տեղի ունենում ամբողջ երկրում, այդ թվում՝ Ատլանտայում, Սիեթլում, Դալասում, Լուիսվիլում և այլ քաղաքներում: CNN-ի տվյալներով՝ Կալիֆոռնիայի Լոս Անջելեսի տարածքում տեղակայված է Ազգային գվարդիայի մոտ 1700 զինծառայող: ԱՄՆ պաշտպանության նախարարությունը բողոքի ցույցերի և անկարգությունների պատճառով Լոս Անջելես է ուղարկել ծովային հետևակի մոտ 700 զինծառայող:
