Ֆրանսիայի նախագահ Էմանուել Մակրոնը հանդես է եկել Գրենլանդիայի աջակցության օգտին՝ նշելով, որ դրա բռնագրավումը անընդունելի է։ Նա այս հայտարարությունն արել է Նիսում ընթացող ՄԱԿ-ի օվկիանոսային 3-րդ համաժողովում։
«Ես սա ասում եմ ամենայն վճռականությամբ. ծովի խորքերը չեն վաճառվում, Գրենլանդիան չի վաճառվում, ո՛չ Անտարկտիդան, ո՛չ էլ բաց ծովը չեն վաճառվում», - ասել է Ֆրանսիայի առաջնորդը, որի ելույթը հեռարձակվել է Ելիսեյան պալատի կայքում։
Մակրոնը նաև դեմ է արտահայտվել խորջրյա հանքարդյունաբերությանը։
«Մենք պետք է պաշտպանենք մեր էկոհամակարգերը, քանի որ չգիտենք, թե ինչի կարող է հանգեցնել այս զարգացումը», - ասել է նախագահը։
Ֆրանսիայի նախագահը հունիսի 15-ին կայցելի Գրենլանդիա՝ քննարկելու Արկտիկայի անվտանգության հարցերը։
ԱՄՆ նախագահ Դոնալդ Թրամփը բազմիցս հայտարարել է, որ Գրենլանդիան, որը Դանիայի կազմում գտնվող ինքնավար մարզ է, պետք է միանա Միացյալ Նահանգներին։
