Իրանը կարող է վերանայել իր հարաբերությունները Ատոմային էներգիայի միջազգային գործակալության (ԱԷՄԳ) հետ, եթե կազմակերպության կառավարիչների խորհուրդը բացասական որոշում կայացնի Իրանի միջուկային ծրագրի վերաբերյալ։
Այս մասին կիրակի օրը հայտարարել է Իրանի Ատոմային էներգիայի կազմակերպության ներկայացուցիչ Բեհրուզ Կամալվանդին, հաղորդում է Tasnim գործակալությունը։ «Անցյալ անգամ մենք զգուշացրինք, բայց նրանք մեզ չլսեցին, և մենք յոթ անգամ մեծացրինք մինչև 60% հարստացված ուրանի արտադրության ծավալները»։
Հիմա, մենք ունենք նաև պատասխան քայլերի ցանկ, և մենք արդեն տեղեկացրել ենք նրանց այդ մասին։ Ակնհայտ է, որ գործակալությունը չպետք է ակնկալի, որ Իրանը կշարունակի կառուցողական համագործակցությունը նախկինի պես», – ասել է նա՝ մեկնաբանելով ԱԷՄԳ-ի կառավարիչների խորհրդի առաջիկա նիստում հակաիրանական բանաձևի հնարավոր ընդունումը։
