ԱՄՆ-ը քննարկում է Լիբանանում ՄԱԿ-ի ուժերին աջակցությունը դադարեցնելու հարցը, հաղորդում է «Times of Israel» թերթը՝ հղում անելով ամերիկյան աղբյուրներին։ «Աղբյուրները նշել են, որ ԱՄՆ-ը դեռևս որոշում չի կայացրել ՅՈՒՆԻՖԻԼ-ին ապագա աջակցության վերաբերյալ, բայց ցանկանում է խոշոր բարեփոխումներ, որոնք կարող են նշանակել աջակցության դադարեցում»,-գրում է հրատարակությունը։
Հրատարակությունը հիշեցնում է, որ ՅՈՒՆԻՖԻԼ-ի մանդատը տարին մեկ անգամ երկարաձգվում է ՄԱԿ-ի Անվտանգության խորհրդի բանաձևով, և ԱՄՆ-ը կարող է վետո դնել հաջորդ բանաձևի վրա, որը պետք է ներկայացվի օգոստոսին։ Jerusalem Post-ի փոխանցմամբ՝ ԱՄՆ-ը արդեն որոշել է քվեարկել ՅՈՒՆԻՖԻԼ-ի մանդատը երկարաձգելու դեմ։
«Իսրայելը և Միացյալ Նահանգները համաձայնության են եկել, որ ՅՈՒՆԻՖԻԼ-ը պետք է դադարեցնի գործողությունները Լիբանանի հարավում», – գրում է թերթը։
