Գարեգին Բ-ն Ավստրալիայից ժամանած ուխտավորներին հորդորել է հանդիպել նաև արցախցիների հետ

08.06 16:33 | Կատեգորիա Հասարակություն

Հունիսի 8-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունեց Ավստրալիայի և Նոր Զելանդիայի հայոց թեմից ժամանած ուխտավորներին՝ ուղեկցությամբ Մելբուռնի Սուրբ Աստվածածին եկեղեցու հոգևոր հովիվ Արժանապատիվ Տեր Խաչեր քահանա Հարությունյանի:

Տեր Խաչեր քահանան Նորին Սրբությանը տեղեկացրեց, որ մինչև Հայաստան ժամանելը ավստրալահայերն ուխտավորաբար եղել են Արևմտյան Հայաստանում և այժմ, գտնվելով հայրենիքում, այցելել են Մայր Աթոռ Սուրբ Էջմիածին՝ ստանալու Ամենայն Հայոց Կաթողիկոսի հայրական օրհնությունը:

Վեհափառ Հայրապետը, իր օրհնությունը փոխանցելով հայորդիներին, գոհունակությամբ անդրադարձավ Ավստրալիայի հայ համայնքի հայրենանվեր ու եկեղեցասեր կյանքին: Նորին Սրբությունը նկատեց, որ աշխարհասփյուռ հայոց թեմերից նման ուխտագնացությունների կազմակերպումը հայրենիքի համար դժվարին այս օրերին գոտեպնդում է հայրենաբնակ իրենց եղբայրներին ու քույրերին: Այս առնչությամբ Հայոց Հայրապետը հորդորեց ներկաներին, որ իրենց այցի շրջանակներում նաև հանդիպումներ ունենան հայրենազրկված արցախցիների հետ՝ ի մոտո ծանոթանալով նրանց առջև ծառացած մարտահրավերներին և իրենց աջակցությունն ու զորակցությունը բերելով նրանց։

Վերջում Ամենայն Հայոց Կաթողիկոսն ուխտավորներին մաղթեց, որ Աստված մշտապես պահի ու պահպանի նրանց Իր սիրո և խնամքի ներքո:

Ամենաշատ կարդացվածներ

Արարատ Միրզոյանի կնոջ հիմնադրամին պետբյուջեից խոշոր գումար է փոխանցվել (տեսանյութ)

26.08 20:31 | Կատեգորիա Քաղաքական

«Ավելի լավ է լուռ նախանձեք»․ Լեպսը պատասխանել է քննադատություններին

26.08 23:01 | Կատեգորիա Ժամանց

Քայլի Ջենները նոր ֆոտոսեսիայում՝ մետաղյա եղունգներով

26.08 22:00 | Կատեգորիա Ժամանց

Մադոննան կիսվել է բացառիկ կադրերով՝ իր 67-ամյակի տոնակատարությունից

26.08 21:22 | Կատեգորիա Ժամանց

Այսօր Երկրագնդի ամենատաք վայրը եղել է Իրանում, իսկ ամենացուրտ վայրը՝ Անտարկտիդայում

27.08 00:45 | Կատեգորիա Մտքեր

Կասպից ծովում գրանցվսծ 7-8 բալ երկրաշարժը զգացվել է նաև Հայաստանում

27.08 01:37 | Կատեգորիա Հասարակություն

Կիմ Քարդաշյանը նկատվել է վերափոխված դստեր՝ Նորթի հետ Ռիմում

26.08 21:13 | Կատեգորիա Ժամանց

Ջենիֆեր Լոպեսը դարձել է բլոնդ և հիացրել երկրպագուներին

26.08 23:36 | Կատեգորիա Ժամանց

Spotify-ն հայտարարել է նոր ֆունկցիայի մասին

27.08 00:08 | Կատեգորիա Ժամանց

ՈՒՂԻՂ

Օգոստոսի 29-ին կդադարեցվի Կենտրոն վարչական շրջանի որոշ հասցեների գազամատակարարումը