ԱՄՆ նախագահ Դոնալդ Թրամփը ստորագրել է հռչակագիր, որով արգելվում է 12 երկրների քաղաքացիների մուտքն Ամերկայի Միացյալ Նահանգներ: Այս մասին հայտնում է Reuters–ը:
Թրամփը նշել է, որ այս քայլն անհրաժեշտ է օտարերկրյա ահաբեկիչներից և անվտանգային այլ սպառնալիքներից պաշտպանվելու համար։
Այդ երկրներն են Աֆղանստանը, Մյանման, Չադը, Կոնգոն, Հասարակածային Գվինեան, Էրիթրեան, Հայիթին, Իրանը, Լիբիան, Սոմալին, Սուդանը և Եմենը։
Մասամբ կարգելվի նաև 7 այլ երկրների քաղաքացիների մուտքը: Այդ երկրներն են Բուրունդին, Կուբան, Լաոսը, Սիերա Լեոնեն, Տոգոն, Թուրքմենստանը և Վենեսուելան:
Թրամփը նշել է, որ ցուցակը կարող է վերանայվել, և նոր երկրներ կարող են ավելացվել։
Այն ուժի մեջ կմտնի 2025 թվականի հունիսի 9-ին: Մինչև այդ օրը տրված մուտքի թույտվությունները չեն չեղարկվի:
