Թուրքիայի արտգործնախարար Հաքան Ֆիդանը ծրագրում է միանալ Ռուսաստանի և Ուկրաինայի միջև Ստամբուլի Չիրագան պալատում կայանալիք բանակցություններին, RIA Novosti-ին հայտնել է թուրքական դիվանագիտական աղբյուրը։
Ավելի վաղ РИА Новости-ին Թուրքիայի ԱԳՆ-ի աղբյուրը հայտնել էր, որ երկուշաբթի օրը Մոսկվայի ժամանակով ժամը 13:00-ին Ստամբուլի Չիրագան պալատում նախատեսվում է Ռուսաստանի և Ուկրաինայի պատվիրակությունների հանդիպումը։
«Նա նախատեսում է միանալ»,- ասել է գործակալության աղբյուրը՝ պատասխանելով Ստամբուլի բանակցություններին Ֆիդանի մասնակցության հավանականության մասին հարցին։
Ստամբուլ ժամանած ռուսական պատվիրակության կազմում են պատվիրակության ղեկավար, ՌԴ նախագահի օգնական Վլադիմիր Մեդինսկին, ՌԴ ԱԳ փոխնախարար Միխայիլ Գալուզինը, ՌԴ ԶՈՒ Գլխավոր շտաբի գլխավոր հետախուզական վարչության պետ Իգոր Կոստյուկովը և պաշտպանության փոխնախարար Ալեքսանդր Ֆոմինը։
ՌԴ ԱԳ նախարար Սերգեյ Լավրովն ավելի վաղ հայտարարել էր, որ ռուսական պատվիրակությունը պատրաստ է ուկրաինական կողմին հուշագիր ներկայացնել կարգավորման վերաբերյալ հունիսի 2-ին Ստամբուլում կայանալիք բանակցությունների երկրորդ փուլի ժամանակ։
