«Ռոսպոտրեբնադզորը» սկսել է շրջանառությունից հանել հայկական գրանցում ունեցող սննդային հավելումները

17.10.2024 14:50 | Կատեգորիա Տնտեսական

Ռոսպոտրեբնադզորը շրջանառությունից հանել է Հայաստանում գրանցված կենսաբանական ակտիվ հավելումների ավելի քան 118000 փաթեթ, որոնք պարունակում են սիմետիկոն (մետեորիզմը նվազեցնող դեղամիջոց) և մելատոնին (ցիրկադային ռիթմերը կարգավորող հորմոն): Այս մասին «Վեդոմոստի»-ին հայտնել է գերատեսչության մամուլի ծառայության ներկայացուցիչը՝ հավելելով, որ սննդային հավելումների բարեխիղճ արտադրողները ներգրավված են նման հավելումների հայտնաբերման աշխատանքներում։

Նրանց հետ միասին ստեղծվել է աշխատանքային խումբ։ Այն զբաղվում է հավելումների գրանցման և Ռուսաստանում արգելված նյութերով սննդային հավելումների շրջանառության կանխարգելման հարցերով, հավելել է նա։

Մասնավորապես, ինչպես նշում է Ռոսպոտրեբնադզորը, սննդային հավելումներում արգելված են սինթետիկ բուժիչ նյութերը և հորմոնները (սիմետիկոն և մելատոնին), որոնք էական սննդային գործոններ չեն: Սիմետիկոնն ու մելատոնինը գրանցված են որպես դեղագործական նյութեր և ինքնուրույն դեղամիջոցներ, հավելել է նա։

Ընդհանուր առմամբ, ծառայությունը ապրանքների պետական գրանցման վկայականների միասնական ռեգիստրում մշտադիտարկելիս հայտնաբերել է 48 կենսաբանական ակտիվ սննդային հավելումներ, որոնք չեն համապատասխանում ՀՀ լիազոր մարմինների կողմից գրանցված Մաքսային միության ակտերի պարտադիր պահանջներին։ Դա, ըստ գերատեսչության, վտանգ է ներկայացնում շրջանառության մեջ ոչ անվտանգ արտադրանքի հայտնվելու համար։

«Ռոսպոտրեբնադզորը» տեղեկացրել է նաև Եվրասիական տնտեսական հանձնաժողովին, որպեսզի Հայաստանի էկոնոմիկայի նախարարությունը ստուգի հավելումների պետական գրանցման տրված հավաստագրերի վավերականությունը։

Լրահոս

20:17

Ողբերգական դեպք Գեղարքունիքի մարզում. Ջրասուզակը գետից դուրս է բերել ջրահեղձ եղած անչափահաս տղայի մարմինը

18:34

Սարիկ Անդրեասյանի 13-ամյա որդին շտապ տեղափոխվել է վիրшհшտшրան. մանրամասներ (լուսանկար)

16:15 Կարևոր

ԱՄՆ դեսպանատունը զգուշացնում է

16:00 Կարևոր

Հունիսի 21-22-ը Արարատի և Արմավիրի մարզում սպասվում է բարձր կարգի հրդեհավտանգ իրավիճակ