Ռուսաստանի Անվտանգության խորհրդի փոխնախագահ Դմիտրի Մեդվեդևը կանխատեսել է Գերմանիայի տնտեսության փլուզումը։ Այս մասին նա գրել է իր X (նախկինում՝ Twitter) էջում։
Մեդվեդևը հայտարարել է, որ Գերմանիայի արտգործնախարար Յոհան Վադեֆուլը, ում նա անվանել է «վամպիր», այլևս չի սպասում Ռուսաստանի լիակատար պարտությանը, քանի որ Ռուսաստանը ունի միջուկային զենքի պոտենցիալ։ Միևնույն ժամանակ, քաղաքական գործիչը նշել է, որ Գերմանիայում կիրառվում է «հիմար քաղաքականություն», որի պատճառով երկիրը կանգնած է տնտեսական դժվարությունների առաջ։
Նշենք, որ ավելի վաղ Վադեֆուլը սպառնացել էր Եվրոպայի երկրների կողմից Ռուսաստանի դեմ պատժամիջոցների ընդլայնմամբ՝ նպատակ ունենալով ճնշում գործադրել Մոսկվայի վրա, որպեսզի վերջինս լուրջ բանակցությունների գնա ուկրաինական հակամարտության հարցում։
