Վիետնամի Նյաչանգ հանգստավայրում ռուս զբոսաշրջիկը քիչ էր մնում կորցներ աչքերը՝ բախվելով աշխարհի ամենավտանգավոր մեդուզային՝ հայտնի որպես «պորտուգալական նավակ»։ Այդ մասին տեղեկացնում է Life-ը՝ հղումով SHOT-ին։
Տուժողի կինը պատմել է, որ դեպքը տեղի է ունեցել ջրասուզման ժամանակ։ Նրա խոսքով՝ ամուսինը սուզվելիս աչքերի շրջանում այրոց է զգացել, սակայն սկզբում դա համարել է ջրի ազդեցություն։ Միայն երեկոյան նրա դեմքին հայտնվել են կարմիր հետքեր, իսկ աչքերի շուրջը՝ բծեր։ Առավոտյան այտուցը այնքան մեծացել է, որ ստիպված է եղել դիմել տեղի բժշկական կենտրոն։
Բժիշկները նշել են, որ այրոցն առաջացել է ոչ թե ջրի, այլ հենց պորտուգալական նավակի հետ բախման հետևանքով։ Նրան նշանակել են դեղորայք, որը սկսել է ազդել միայն ութ ժամ անց։ Այս պահին տուժողի վիճակը կայուն է, և նա, ըստ կնոջ, աչքերը չի կորցրել միայն նրա շնորհիվ, որ սուզվելիս փակել էր դրանք։
