ԱՄՆ 82-ամյա նախկին նախագահ Ջո Բայդենը ագրեսիվ պրոստատի քաղցկեղով է տառապում՝ արդեն տարածված մետաստազներով ոսկրերին: Ըստ կենսաբան Անչա Բարանովայի՝ այս դեպքում վիրահատությունը արդյունավետ չէր լինի, քանի որ այն չի լուծի մետաստազների խնդիրը, և հնարավոր է նույնիսկ վատթարացնի վիճակը: Հորմոնային բուժումը նույնպես կարող է արդյունք չտալ, այդ դեպքում բժիշկները կարող են կիրառել քիմիաթերապիա կամ նորարարական ռադիոթերապիա։
Բարանովան նշել է, որ Բայդենի մոտ քաղցկեղը կարող է զարգացած լինել արագ և ագրեսիվ ձևով, ինչը հաճախ հանդիպում է տարեց հիվանդների մոտ: Մետաստազները հատկապես վտանգավոր են ոսկորների մեջ՝ առաջացնելով ուժեղ ցավեր և հնարավոր կոտրվածքներ, ինչը կարող է հանգեցնել կյանքին վտանգող բարդությունների:Չնայած վատ կանխատեսումներին, որոշ սցենարներում բժիշկները կարող են փորձել ակտիվացնել հիվանդի իմունային համակարգը՝ նպատակ ունենալով կանգնեցնել ուռուցքի զարգացումը:
Եթե Բայդենը կրում է BRCA1/BRCA2 գեների մուտացիաներ, հնարավոր է կիրառել PARP ինհիբիտորների նորարարական բուժում՝ նվազեցնելով ծանր քիմիաթերապիայի անհրաժեշտությունը, հայտնում է Газета.ру-ն ։
