Գերմանիան վախենում է կորցնել իր ոսկու պաշարները, որոնք պահվում են Միացյալ Նահանգների պահոցներում՝ ԱՄՆ նախագահ Դոնալդ Թրամփի քաղաքականության պատճառով։ Այս մասին հաղորդում է Reuters լրատվական գործակալությունը՝ հղում անելով եվրոպացի քաղաքական գործիչներին։
Հստակեցվում է, որ Գերմանիայի իշխանությունները մտահոգված են Թրամփի կողմից ԱՄՆ Դաշնային պահուստային համակարգի վրա հարձակումներից։ Ներկայումս Միացյալ Նահանգներում պահվում է մոտ 1250 տոննա գերմանական ոսկի։
«Թրամփը անկանխատեսելի է, և չի կարելի բացառել, որ մի օր նա կմտածի արտասահմանյան ոսկու պաշարների կառավարման վերաբերյալ նոր գաղափարների ուղղությամբ», - ասել է գերմանացի եվրապատգամավոր Մարկուս Ֆերբերը։Նա հավելել է, որ ԱՄՆ-ն դադարել է լինել հուսալի գործընկեր Գերմանիայի և Եվրոպայի համար։
