ԱՄՆ Սննդի և դեղերի վարչությունը (FDA) հաստատել է Moderna կենսատեխնոլոգիական ընկերության նոր COVID-19 պատվաստանյութի կիրառումը, հայտնում է ընկերությունը։
«Moderna, Inc.-ն այսօր հայտարարեց, որ FDA-ն հաստատել է mNEXSPIKE (mRNA-1283) նոր COVID-19 պատվաստանյութը՝ 65 տարեկան և բարձր բոլոր մեծահասակների մոտ օգտագործելու համար», - ասվում է ընկերության կայքում տեղադրված հայտարարության մեջ։
Moderna-ն հավելում է, որ պատվաստանյութը կարող են օգտագործել նաև 12-64 տարեկան անձինք, ովքեր ունեն ԱՄՆ Հիվանդությունների վերահսկման և կանխարգելման կենտրոնի (CDC) կողմից նույնականացված առնվազն մեկ կամ մի քանի հիմնական ռիսկի գործոններ։
Պատվաստանյութը նախատեսված է այն մարդկանց համար, ովքեր նախկինում պատվաստվել են վիրուսի դեմ։
