Չեխիայի Հանրապետությունը Իսրայելում իր դեսպանատունը Թել Ավիվից կտեղափոխի Երուսաղեմ։ Այս մասին հայտարարել է երկրի վարչապետ Պետր Ֆիալան։ Վարչապետի խոսքով՝ այս քայլը պետք է ձեռնարկվի Գազայի հատվածում հակամարտության թեժ փուլի ավարտից հետո։
«Չեխիայի Հանրապետությունը կտեղափոխի իր դեսպանատունը, քանի որ դա ճիշտ է։ Մենք մի փոքր համբերություն կցուցաբերենք, բայց, միևնույն ժամանակ, պատրաստ կլինենք այս քայլին դիմել, հենց որ գա հարմար պահը»,-Ֆիալայի խոսքերն է մեջբերում Reuters-ը։
Այս դեպքում Չեխիան կդառնա ԵՄ առաջին երկիրը և ՆԱՏՕ-ի երկրորդ երկիրը՝ ԱՄՆ-ից հետո, որի դեսպանատունը կլինի ոչ թե Թել Ավիվում, ինչպես աշխարհի մեծ մասը, այլ Երուսաղեմում։Թել Ավիվը 86 օտարերկրյա դիվանագիտական առաքելությունների կենտրոն է, բացառությամբ Գվատեմալայի, Հոնդուրասի, Պապուա Նոր Գվինեայի, Պարագվայի և Միացյալ Նահանգների։
2018 թվականին՝ իր առաջին նախագահական ժամկետի ընթացքում, Դոնալդ Թրամփը ԱՄՆ դեսպանատունը տեղափոխեց Երուսաղեմ։
