ԱՄՆ-ի, Գերմանիայի, Ֆրանսիայի և Մեծ Բրիտանիայի ներկայացուցիչները հունիսի 2-ին կլինեն Ստամբուլում, որտեղ կարող է տեղի ունենալ Ռուսաստանի և Ուկրաինայի պատվիրակությունների հանդիպումը։ Այս մասին հինգշաբթի օրը ABC News-ին տված հարցազրույցում հայտարարել է ԱՄՆ նախագահի հատուկ դեսպանորդ Քիթ Քելլոգը։
«Երբ մենք հաջորդ շաբաթ ժամանենք Ստամբուլ, կնստենք բանակցությունների սեղանի շուրջ և կքննարկենք, թե ինչպիսին պետք է լինի այն։ Եվ մեզ հետ կլինեն Գերմանիայից, Ֆրանսիայից և Մեծ Բրիտանիայից ազգային անվտանգության խորհրդականներ։
Նրանք նույնպես կարտահայտեն իրենց կարծիքը»,-ասել է նա՝ չմանրամասնելով, թե արդյոք արևմտյան ներկայացուցիչները անմիջականորեն կմասնակցե՞ն Ռուսաստանի Դաշնության և Ուկրաինայի պատվիրակությունների հանդիպմանը։Ռուսաստանի արտաքին գործերի նախարար Սերգեյ Լավրովը հայտարարել է Ուկրաինայի հետ բանակցությունների երկրորդ փուլի մասին Ստամբուլում, որը նախատեսված է հունիսի 2-ին:
Ռուսաստանի արտաքին գործերի նախարարության ղեկավարը հայտարարել է, որ պատվիրակության ղեկավար Վլադիմիր Մեդինսկին Ուկրաինային կհանձնի Ռուսաստանի հուշագիրը՝ ճգնաժամի արմատական պատճառների հաղթահարման բոլոր ասպեկտների վերաբերյալ:
