Կատարի էմիր Շեյխ Թամիմ բեն Համադ Ալ Թանին, ԱՄԷ նախագահ Շեյխ Մուհամեդ բեն Զայեդ Ալ Նահյանը և Սաուդյան Արաբիայի թագաժառանգ Մուհամմեդ բեն Սալման Ալ Սաուդը ԱՄՆ նախագահ Դոնալդ Թրամփի հետ հանդիպման ժամանակ դեմ են արտահայտվել Իրանի միջուկային օբյեկտներին հարվածներին։ Այս մասին հայտնում է Axios պորտալը՝ հղում անելով աղբյուրներին։
Իրենք դեմ են արտահայտվել Իրանի միջուկային օբյեկտներին Իսրայելի կամ ԱՄՆ-ի հնարավոր հարվածի դեմ և կոչ են արել Թրամփին շարունակել նոր միջուկային գործարքի ձգտումը։
Նրանք մտահոգություն են հայտնել, որ ամերիկյան հնարավոր հարձակումը կարող է իրենց դարձնել Իրանի պատասխան հարվածի թիրախ, քանի որ այդ երկրների տարածքում ամերիկյան ռազմակայաններ կան, գրում է պորտալը։ Axios-ի փոխանցմամբ՝ Կատարի էմիրը Թրամփին ասել է, որ նման սցենարի դեպքում ամենաշատը կտուժեն Ծոցի երկրները։
Սաուդյան Արաբիան և Կատարը նույնպես մտահոգություն են հայտնել Իրանին Իսրայելի հնարավոր հարվածի կապակցությամբ։ ԱՄԷ-ն շեշտում է, որ նախընտրելի կլիներ դիվանագիտական լուծումը։ Կատարի էմիրը, ԱՄԷ նախագահը և Սաուդյան Արաբիայի թագաժառանգը աջակցություն են հայտնել բանակցություններ վարելու Թրամփի փորձերին, պնդում է պորտալը։
