Թուրքիայի նախագահ Ռեջեփ Թայիփ Էրդողանը հայտարարել է, որ Ուկրաինայում կարգավորման ճանապարհն անցնում է ավելի մեծ դիվանագիտությամբ և ավելի մեծ երկխոսությամբ, «անհրաժեշտ է մարել այս կրակը»։
«Ուկրաինայի հակամարտության լուծման ճանապարհն անցնում է ավելի մեծ երկխոսությամբ, ավելի մեծ դիվանագիտությամբ: Մենք օգտագործում ենք մեր ողջ դիվանագիտական ուժն ու ներուժը խաղաղության հասնելու համար: Մեր տարածաշրջանում այս մեծ կրակը մարելը և՛ մարդասիրական պարտականություն է, և՛ մեր երկրի շահերից»:
Հուսով եմ, որ մեր խաղաղ ջանքերի արդյունքում մենք կհասնենք ցանկալի փոխզիջման։ Վերջին չորս տարիների ընթացքում ողջ աշխարհը հասկացավ, որ այս պատերազմը արմատապես փոխել է Եվրոպայի անվտանգության ճարտարապետությունը և հատկապես էներգետիկ քաղաքականությունը։
Եվրամիության՝ Ռուսաստանից էներգետիկ կախվածությունը նվազեցնելու նոր ուղիների որոնումը մեծացրել է էներգակիրների տարանցման երկրների աշխարհաքաղաքական արժեքը, ինչպիսին Թուրքիան է», - ասել է թուրք առաջնորդը լրագրողներին ինքնաթիռում Ադրբեջանից վերադառնալուց հետո:
