Հեռահար զենքի համակարգերը Ուկրաինայի զինված ուժերի տրամադրության տակ կլինեն մի քանի շաբաթվա ընթացքում։ Այս մասին հայտնել է Գերմանիայի պաշտպանության նախարարությունը։Գերատեսչության տվյալներով՝ Գերմանիան Ուկրաինայում զենքի արտադրության մեջ ուղղակի ներդրումներ կկատարի Կիևի և գերմանական պաշտպանական արդյունաբերության միջև կնքված պայմանագրի շրջանակներում։
Բացի այդ, ինչպես նշել է Պաշտպանության նախարարությունը, հրետանու համար արդեն խոստացված զինամթերքի մատակարարումներից բացի, Գերմանիան մտադիր է Ուկրաինային փոխանցել տարբեր զինամթերքի համակարգերի, այդ թվում՝ հակաօդային պաշտպանության համար նախատեսված լրացուցիչ զինամթերքի հավաքածուներ։Ինչպես ավելի վաղ հաղորդվել էր, Բեռլինը և Կիևը համաձայնագիր են ստորագրել Ուկրաինայում հեռահար զենքի արտադրության վերաբերյալ։
