Թուրքիան ոչ միայն էներգիա ներկրող երկիր է, այլև դարձել է էներգիայի արտահանման պոտենցիալ կենտրոն։ Այս մասին լրագրողներին ասել է Թուրքիայի առաջնորդ Ռեջեփ Թայիփ Էրդողանը։
«Էներգետիկայի ոլորտում մեր ձեռք բերած յուրաքանչյուր հաջողություն ոչ միայն տնտեսական, այլև ռազմավարական օգուտ է, Սև ծովում 75 միլիարդ խորանարդ մետր բնական գազի պաշարների հայտնաբերումը մեր ինտենսիվ և համակարգված աշխատանքի արդյունքն է։
Թուրքիան դարձել է ոչ միայն էներգիա ներկրող, այլ նաև էներգիա արտադրող և էներգիա արտահանող պոտենցիալ»,- Էրդողանի խոսքերն է մեջբերում Anadolu լրատվական գործակալությունը։
