Անկարայում Իրանի դեսպան Մոհամմադ Հասան Հաբիբուլլահզադեն հանդիպել է Թուրքիայի արդյունաբերության և տեխնոլոգիաների նախարար Մեմեդ Ֆաթիհ Քաջիրի հետ։
Հանդիպման ընթացքում կողմերը քննարկել են արդյունաբերության և տեխնոլոգիաների ոլորտում ունեցած համագործակցային ներուժը, ինչպես նաև ընդգծել երկրների միջև փոխգործակցության զարգացման և ամրապնդման անհրաժեշտությունը։
Բացի այդ, կողմերը, ընդգծելով նոր տեխնոլոգիաների ոլորտում երկկողմ հարաբերությունների կարևորությունը, քննարկել են այս ոլորտում համատեղ տեխնիկական կոմիտե ստեղծելու հնարավորությունը և այդ ուղղությամբ որոշակի համաձայնության հասել։
